Մեղուն ու մարդը

Մեղուն մեկ անգամ հարցրեց իր տիրոջը:

– Քո կենդանիներից որն է ամենից օգտակարը:

– Գիտեմ, դու երևի կարծում ես, թե ամենից օգտակարը դու ես, բայց սխալվում ես, – պատասխանեց տերը:

– Ինչպես, տեր, որն է այն կենդանին, որ ինձանից ավելի օգտակար է: – Ոչխարը:

– Այդ հաշիվ չէ, տեր. ոչխարը իմ հասակակիցը չէ: Նա մի ահագին կենդանի է, իսկ ես մի միջատ եմ: Դու պետք է ինձ իմ ընկերների հետ համեմատես:

– Շատ բարի. շերամը քեզ պես փոքր է, բայց քեզանից շատ օգուտ է տալիս: – Շերամը որն է:

– Շերամն այն իմաստուն որդն է, որ մեզ համար աննման քնքուշ մետաքս է շինում:

– Հա , իմացա, այդ այն շատակեր ճիճուն չէ, որին անդադար կերակրում եք թթան տերևներով: – Նա ինքն է:

– Բայց գիտես, տեր, նրա չափ որ մեզ էլ կերակրեք, մենք մեղրի տեղ ոսկի կշինենք ձեզ համար: Դուք ոչ մի կենդանի չունեք, որ իր կերակուրը մեզ նման ինքը լինի շինելիս և ուրիշներին էլ բաժին լինի տալիս: Այնպես չէ , պարոնս:

Այո, այդ կողմից դու ուղիղ ես: Մեղուն ուրախացավ տիրոջ պատասխանիցը և թռավ նստեց վարդենու վրա:

Հարցեր

  1. Ո՞րն է ամենաօգտակար ընտանի կենդանին քո կարծիքով:
  2. Ի՞նչ պատասխանեց տերը մեղվի հարցին:
  3. Ինչպիսի՞ հարց տվեց մեղուն տիրոջը:
  4. Արքյո՞ք մեղուն խելացի հարց տվեց:
  5. Ինչպե՞ս մեղուն համեմատեց իրեն ոչխարի և Շերամի հետ:

Առաջադրանքներ

  1. Տեքստից դուրս գրիր կարմիրով նշված բառերը, և գրիր այդ բառերի հոմանիշները:
  2. Տեքստից դուրս գրիր կանաչով նշված բառերը, և գրիր այդ բառերի հականիշները:
  3. Տեքստից դուրս գրիր 5 գոյական , 5 ածական և 5 բայ:

Թողնել պատասխան

Ձեր էլ-փոստի հասցեն չի հրատարակվելու։ Պարտադիր դաշտերը նշված են *-ով